CAGAYAN DE ORO CITY – Wala nanginlabot si City Mayor Klarex Uy sa padayong bangi sulod sa city council tali 2nd District City Councilor Alam Lim ug ABC-CdeO chapter president Kag Marlo Tabac.
Kini human gi-defer sa konseho ang pagdawat kang Tabac kay gihulat ni Alam ang hukom sa Liga-National sa naduso nila nga reklamo batok kaniya.
Namahayag si Klarex nga trabaho na kini sa konseho ang pagsulbad kay lahi ang iyang tahas ngadto sa katawhan.
Hinoon, siya ang nagpahurar kang Tabac kay naka-presentar kini sa certificate of confirmation nga siya ang giila nga ABC president taliwala nga gi-kuwestiyon ni Alam ang pagka-lehitimo sa maong dokumento sa ilang sesyon sa miaging adlaw’ng Lunes.
Hisayrang pipila ka adlaw gikan pagbuto sa isyu batok Tabac, gilayong miklaro si Klarex nga wala bisan usa sa iyang pamilya nga nagtinguha mosulod sa ABC top position kay giingong dili sila hakog sa kadungganan.
