CAGAYAN DE ORO CITY – Namugos si City Mayor Rolando ‘Klarex’ Uy nga wala sukad nalangan ang paglugwa sa pondo alang sa mga iskolar sa dakbayan o ISDA nga nagkatag sa nagkadaiyang tunghaang-kolehiyo.
Kini ang tubag sa mayor sa nagka-grabeng batikos sa iyang mga kaatbang sa politika nga ubay-ubay’ng mga iskolar na ang apektado tungod sa langan nga pagbayad sa tuition ug paghatag sa allowances niini.
Miingon si Mayor Klarex nga kuyog niya ang city council nga kanunay mahatagan sa prioridad ang 15-mil ka iskolar aron maka-pokus sa ilang mga pagtungha.
Siya miingo nga wala nagsumikad sa city hall ang pagkalangan apan ngadto sa pipila ka estudyante nga ulahi nakaduso sa gipangayo’g mga rekisitos sa pagsilbi nila nga iskolar sa tunghaan sa dakbayan.
