Mikalas na’g usa ka tawo ug sobra 70 ang samaron sa pagdagpak sa mata sa bagyong Kong-Rey nga kanhi gitawag nga super typhoon Leon sa Pilipinas.
Naghupot sa 200 kilometros kada-oras ang maong bagyo nga mikuso-kuso’g mayo sa dakong bahin sa Taiwan.
Gawas sa casualties,minilyong katawhan usab sa Taiwan ang apektado sa pagkawala sa power supply o koryente ug kanselado ang mga transaksyon sa gobierno ug ang mga klase sa mga tunghaan.
Gitratar sa Taiwanese govt nga pinakakusog nga bagyo si Kong-rey nga misulod sa ilang nasud sa milabay’ng dul-an 30 ka tuig.
Hisayrang sa miaging Oktobre ning tuiga, naigo gihapon sa bagyo ang Taiwan diin may mga tawo gihapon nga nakalas.
