Nadugangan pa ang pito ka mga homeowners nga biktima sa sunog sa Barangay Cugman ning syudad, human sa laing sunog nga natigayun karong buntaga sa Zone 3 nga naguba ang kapin sa 20 ka mga kabalayan.
Sumala ni Kagawad Boyet Romu sa Barangay Cugman, karon nangita ang barangay council sa temporaryong kapuy-an alang sa mga biktima sa sunog tungod kay dili na sila maigo sa covered court sa barangay.
Matod pa ni Romu, ang covered court karon gi-okupahan pa sa mga biktima sa sunog niadtong Enero 16, busa wala na’y igong lugar alang sa bag-ong naapektuhan.
Gipahayag usab sa barangay nga mangayo una sila og pagtugot sa tunghaan sa ilang lugar aron didto temporaryong mapahimutang ang mga biktima sa sunog nga natigayun kanihang buntag.
