CAGAYAN DE ORO CITY, Philippines – “Obsessed”… Kini ang hulagway ni Vice President Sara Duterte sa mga politiko nga milaraw sa pagguba sa political image sa pamilya Duterte.
Miingon ang bise presidente nga wala siyag laing nakita nga motibo sa pagpasakag kaso kang Davao City Mayor Baste, Congressman Pulong, ug kanhi Presidente Rodrigo Duterte, kundili pulos pamulitika lamang, ilabe na nga silang tolo may ‘pronouncement’ na nga mupapili isip mga senador sa 2025 Midterm Elections.
Gibutyag Duterte nga wala palabya sa ilang detractors ang iyang bana nga si Atty Mans Carpio, kinsa lakip pa gipasakaan sa kasong drug smuggling.
Masaligon si Inday Sara nga makalingkawas ang iyang mga minahal sa kinabuhi tungod kay nasayud sila kamatuoran nga pagdagmal ang intensyon nila kanhi Senador Antonio Trillanes IV ug Senador Risa Hontiveros sa ilang giduso nga mga kaso.
