CAGAYAN DE ORO CITY – Nasanta sa mga sakop sa Bureau of Jail Management and Penology kon BJMP ang usa ka dalaw nga misuksok sa salapi sa iyang bilahan.
Kini ang gikompirmar Jail Officer 3 Orly Montalban sa Bombo Radyo.
Gitago una ni Montalban ang ngalan sa dalaw isip alyas NORA ilabe nga wala silay makitang ID’s atol sa pagsulod niini sa City Jail.
Una niini, mismo ang ilang female checker ang nakabantay sa labi-labi ka bugdo sa bilahan sa dalaw busa iya kining giharang.
Atol sa physical check-up, nakuha sa posisyon sa dalaw ang tuskig nga tag usa ka libo kon P1000 bill nga mukabat sa P30,000.
Gikustodiya una sa City Jail ang nasanta nga dalaw.
Hisayran nga dakung bawal ang mga kwarta nga ipasulod sa mga prisohan kay kini mga kontrabando.
