Gipamugos sa Catholic Faith Defender (CFC) nga si Wendell Talibong nga dili mahimong mudirekta ang tawo sa pagpangayo’g pasaylo sa iyang mga sala sa Ginoo.
Gipasabot ni Talibong nga ang Ginoo, dili makadungog ug makakita sa tawo tungod kay natabunan siya sa sala.
Busa aron mas mapalanog ang mulo sa tawo, migamit ang Diyos sa mga “intermediaries” sama sa mga pari aron mapasaylo ang ilang tawhanong sala.
Pinaagi sa pagkompisal, gihatagan sa gahum sa Diyos ang mga pari ang makapasaylo.
Apan, gitin-aw ni Talibong nga dili tanan sala sa tawo mapasaylo sa pari kay limitado man ang iyang gahum sa paglimpyo sa kasal-anan sa tawo.
