CAGAYAN DE ORO CITY-Gibaha kutob sa hawak sa tawo ang pipila ka brgy sa dakbayan sa Iligan kagabii.
Kini epekto gihapon sa mga pag-ulan nga dala sa bagyong Agaton nga miigo sa Mindanao.
Gibutyag ni Iligan City Information Officer Joe Pantoja nga kabahin sa mga apektado sa pagbaha ang kabarangayan sa Brgy Bagong Silang, Brgy Santiago; Brgy Tibanga; Brgy Saray; Brgy Santo Rosario; Brgy Del CarmenBrgy San Miguel ug Brgy Villa Verde.
Dumduman nga sa miaging bagyong Vinta, apektado gihapon sa lapad nga pagbaha ang Iligan City diin may natala nga tawong namatay.
Samtang gihikling ang dugang mga pamilya sa evacuation centers gikan sa lungsod sa Tubod ug Kolambogan, Lanao del Norte kagabii.
Kini human nag-atubang sa bahad sa pagbaha ang maong mga lungsod tungod sa bagyong Agaton nga unang nasiplatan sa Caraga region.
Miingon si Lanao del Norte Governor Imelda Dimaporo nga daw na trauma na ang ilang katawhan tungod sa epekto sa unang paghapak sa bagyong Vinta diin daghang kinabuhi ang nakalas sa miaging Disyembre 2018.
Una nang gibutyag sa PNP-10 nga anaa sa 146 ang kumpirmadong napatay sa bagyong Vinta diin 117 niini ang gikan sa Lanao del Norte.
