Halos lat-an sa Oklahoma City Thunder ang Los Angeles Lakers sa game 1 sa Western Conference Semifinals, karong buntag.
Natapos ang dula sa final score nga 108-90, kundiin si Chet Holmgren nakapuntos sa 24 ug nakakuha sa 12 rebounds aron mangulo sa depensa ug opensa sa team.
Si Shai Gilgeous-Alexander ug Ajay Mitchell mitabang sa 18 puntos matag-usa, samtang ang Thunder mitala sa shooting range nga 49.4% gikan sa field ug nakahimo sa 13 sa 30 three-pointers.
Hisayran nga naparot ang Lakers, tungod sa pagkawala ni Luka Doncic sa korte tungod sa injury.
Naglisod sa scoring ang team ug si LeBron James lang ang nagdala sa tibook dula pinaagi sa iyang 27 puntos. Gikulang usab ang opensa ni Rui Hachimura nga mitala lamang sa iyang 18 punyos.
Si Austin Reaves, nga kasagaran mopuntos sa 23 kada dula sa regular season, napugngan sa iyang shooting ug gihuman ang dula pinaagi sa iyang 8 puntos o 3-for-16 lang ang iyang shooting. Una niini, ang Thunder nakapapugos sa Lakers sa 17 turnovers ug minus nga shooting sa 41.7%.
