CAGAYAN DE ORO CITY- Namatay sa balatian ang 40-anyos nga lalaki nga nakaplagang wala nay kinabuhi sulod sa usa ka pansayan sa merkado diha sa Purok 5, Brgy Puerto ning syudad.
Giila ni Capt. Mario Mantala,hepe sa Puerto Police Station ang biktima nga si Juvenil Verden, ulitawo ug residente sa maong lugar.
Si Mantala miingon nga dako ang ilang pagtoo nga namatay sa sakit nga hubak ang biktima ug walay foul play sa kamatayon niini.
Gidala pa sa ospital ang biktima apan wala na matabang pa sa mga doktor ang iyang kinabuhi.
