CAGAYAN DE ORO CITY-Mas gipaalerto pa karon sa Lanao del Sur Provincial Police Office ang ilang mga personahe human may mga armadong grupo ang nasiplatan sa pipila ka mga Barangay sa ilang probinsya.
Gibutyag ni Lanao del Sur Provincial Police Office Dir Col. Madzghani Mukaraam nga naniguro na sila daan aron dili masabutahi sa mga armado ang ilang pagsaulog sa nagkaduol nga araw ng Lanao.
Matud ni Mukaraam nga mitabang na usab kanila ang mga kapitanes sa pagbantay sa kahusay ug kalinaw.
Giawhag usab niini ang katawhan nga daling ireport sa ilang buhatan kon uganing may mga mamatikdan nga kadudahan sa ilang lugar.
