CAGAYAN DE ORO CITY-Gibasol karon sa pamilya ang gipakatag nga impormasyon nga nasudlan sa armadong pundok ang Sitio Batinay,Brgy Tagpangi ning syudad.
Kini human namatay samtang nadala sa ospital gumikan sa pag-atake sa hubak ang residente nga si Norlita Abejuela,62 anyos nga nagpuyo sa maong lugar.
Miingon ang kabanay sa biktima nga si Mercy Abejuela nga tungod sa kahadlok,napugos sila pagbakwit sa luwas nga lugar sa miaging semana.
Apan kalit mitukar ang balatian sa biktima hinungdan pila ka adlaw kining nadala sa Northern Mindanao Medical Center.
Una niini,namugos si Tagpangi Brgy Kap Anniecris Sabang nga tinood nga gisudlan sila’g armadong grupo sukwahi sa gipatoo nga mga otoridad nga ‘fake news’ ang maong impormasyon.
