CAGAYAN DE ORO CITY – Human sa Tangub City, gideklarar na ang munisipalidad sa Lopez Jaena nga ‘drug free zone’ sa Philippine Drug Enforcement Agency Northern Mindanao.
Gibutyag ni Police Regional Office 10 spokesperson Lt. Col Surki Serenias sa Bombo Radyo nga nalipay si Police Regional Office (PRO-10) police director, Police Brigadier General Timoteo Pacleb sa pagpaningkamot sa mga LGUs sa Tangub ug Lopez Jaena tungod kay nakab-ot nila ang mga rekisitos sa pagka drug free zone sa nasud.
Si Serenias mi-ingin nga giawhag ni Pacleb ang uban pang LGU’s sa Northern Mindanao nga ipalig-on ang ilang pagpatuman sa Barangay Anti-Drug Abuse Council kon BADAC kuyog ang tanan PNP units sa rehiyon.
