CAGAYAN DE ORO CITY- Ipapanubag karon ni LTFRB regional director Allan Guro ang mga operator sa mga jeep pasayruhan kon nganon dili sila angayan nga silotan pagduyog sa nationwide transport strike sa syudad kagahapong adlawa.
Kini bisan nga una nang gibutyag ni Guro nga anaa lamang sa 20 porsiento nga apektado ang dagan sa mga sakyanan diin sila migamit sa pipila ka libreng sakay bus alang sa strandede nga mga pasahero.
Maoy nangulo sa transport strike ang National Confederation of Trade Union o NCTU-Northern Mindanao ingon man ang STAREX-
PISTON palibot sa syudad diin miparalisar sa 90 ngadto 95 porsiento sa salakyang pampasayruhan.
Samtang tubagon sa kadagkuan sa National Confederation of Trade Union o NCTU-Northern Mindanao ang bahad ni Guro nga silotan
ang transport operators nga miduyog sa nationwide transport strike sa syudad kagahapong adlawa.
Gibutyag ni NCTU regional vice chairman Joel Gabatan nga katungod nila ang pagpadayag sa ilang sintiyemento nunot sa bahad nga i-
phaseout na ang 15 anyos pataas nga mga jeep pasayruhan ilabina dinhi sa syudad.
Una nang gikompirmar ni Gabatan nga milampos sila pagparalisar sa dagan sa mga sakyanang pampasahero ilabina ang miembro sa ilang grupo.
Sa pikas bahin,angayang dili mabalaka ang jeepney operators ug drivers kabahin sa isyu sa pag-phaseout sa mga karaan
nang sakyanan nga pasayruhan dinhi sa syudad ug lalawigan.
Kini ang pag-depensa nga gihimo sa Transport Federation of Cagayan de Oro o TRAFECO kon nganong wala sila mouban sa nationwide transport strike sa syudad kagahapong adlawa.
Gibutyag ni TRAFECO spokesperson Lalaine Escobidal nga naglikay usab ang ilang mga miembro nga maigo sa mga gitanom nga suyak sa kadalanan hinungdan nga may pipila nga napugos wala pagbiyahe.
Samtang gikonsiderar ni PNP regional spokesperson Supt Lemuel Gonda nga malinawon ang paglusad sa nationwide
transport strike sa Amihang Mindanao kagahapong adlawa.
Kini bisan nga anaa sa 90 porsiento nga naparalisar ang dagan sa mga sakyanan sa ilabina dinhi sa syudad.
Gibutyag ni Gonda nga anaa usab sa 29 ka sakyanan nga gilangkuban sa 14 ka taxi,8 ka pribadong sakyanan ug 7 ka motorsiklo ang naigo sa mga gikatag nga mga suyak diin sila mipatala diha sa Cogon Police Station kagahapong adlawa.
