LEBANON – Gitambungan sa bagang duot sa katawhan sa Lebanon ang lubong ni Hezbollah Senior commander Mohammad Naameh Nasser.
Usa si Nasser sa napatay sa Israeli Drone Strike, sa habagatang bahin sa maong nasud sa miaging Hulyo 3.
Una nang namahayag ang Israeli Defense Forces nga mihimo sila’g pagdismantol sa mga dili otorisadong outpost sa Jerusalem ug nagresulta kini sa bayolente nga pagbinaslanay sa armas batok sa Hezbollah group nga nakabase sa Zur Harel settlement outpost.
Ang crossfire miresulta sa paggamit sa molotov cocktails o botilya dunay sulod nga mubuto nga likido, ug pagpamato gikan sa giilogang outpost.
Kung mahinumduman nga laraw ni Israeli Finance Minister Smotrich nga ugbukan sa 5,000 housing units para sa Israelitas ang maong lugar.(Bombo Anne Quileste).
