Nagpadayon ang talagsaong pasundayag ni Luka Doncic sa pagsugod sa 2026-2027 NBA season human gipangulohan niya ang Los Angeles Lakers sa 138-117 nga kadaogan batok sa Miami Heat niadtong Lunes, Nobyembre 2.
Nahimo kini nga ikaduhang sunod-sunod nga kadaogan sa Lakers human nila gipildi ang Toronto Raptors, sa iskor nga 131-125, diin nagtala si Doncic og 45 puntos, 15 ka rebound ug unom ka assist.
Batok sa Heat, nakapuntos siya og 42, lakip ang 13 ka assist ug pito ka rebound, samtang nakatabang kini sa Lakers nga mapalambo ang ilang rekord ngadto sa 6-2 ug nahimong ikalima niyang sunod-sunod nga duwa nga nakatala siya og labing menos 37 ka puntos.
Gidayeg usab ni Lakers head coach JJ Redick ang talagsaong abilidad ni Doncic sa opensiba ug depensa, nga iyang gihulagway nga makapadasig, samtang nakatala usab ang koponan og 39 ka assist sa ilang kadaogan batok sa Miami heat. (raniel mahunyag)
.jpg "PBBM nagpabiling taas ang pagsalig sa PNP sa pag-aresto kang Sen Dela Rosa")
