CAGAYAN DE ORO CITY – Nagsugod na sa pagtrabaho ang interim board of directors ingon man ang gitudlo usab sa Local Water Utilities Administration o LWUA nga general manager diha sa Cagayan de Oro Water District o COWD ning syudad epektibo kagahapong adlawa.
Kini human unang gitahasan ang LWUA nga sulbaron ang daghang mga problema nga giatubang sa COWD nga naglakip sa dakong bayrunon o utang ngadto sa COBI nga nagsuplay kanila sa panubig sa distrito uno ning syudad.
Nagsilbing interim COWD board of directors sila Atty Donn Kapunan;Amelia de la Rosa;LWUA chairman Ronnie Ong;Atty Noel Bacal nga representasyon sa city govt;LWUA Engr Antonio Ramirez nga magsilbing interim board chairman ug interim general manager si Fermin Jarales nga taga-dinhi sa Misamis Oriental.
Namahayag si Jarales nga tahas nila nga ibalik sa normal ang operasyon sa COWD sulod sa pila ka bulan nila nga tahas pagdumala niini.
Hisayrang nakadawat pa sa mga pagbiay-biay ang ideya nga pag-takeover sa LWUA kay dili daw nila kini trabaho bisan nga mando kini ni Pangulong Bongbong Marcos dihang nakaduaw dinhi sa syudad sa miaging miaging Mayo 16,2024.
