CAGAYAN DE ORO CITY – Mismo na ang legal team sa regular management sa Cagayan de Oro Water District o COWD ang mikompirma nga dili diretsong mapatuman ang kamanduan sa korte nga pugngan na ang pangpanginlabot sa Local Water Utilities Administration o LWUA sa sistemang panubig sa dakbayan.
Kini human pabori ni Regional Trial Court Branch 41 Presiding Judge Joeffre Acebido ang prohibition case nga gidason sa kampo sa COWD mngt batok LWUA intervention diin sila nagpahimutang sa interim board of directors ug manager sugod Mayo 2024.
Miingon si Atty. Gregg Pallugna,lead legal counsel sa mga nanumbong nga mahimo pang ma-apelar sa mga sinumbong ang hukom ni Acebido sa Court of Appeals.
Siya miingon nga maoy klaro nga giila sa korte nga anaa sila sa ensakto nga posisyon aron ilhon nga dakong illegal ang pagsulod sa LWUA sa COWD.
Namahayag ang abogado nga kung dili ilhon sa interim officials ang hukom sa korte,puwede apan manubag sila implikasyong-legal niini.
Una usab niini,nagluwat na’g pahayag si interim COWD General Manager Fermin Jarales diin giila ang hukom sa korte ug modason sa motion for reconsideration ngadto sa resulta sa maong kaso.
Hisayrang misulod ang LWUA subay sa mando ni Pres Bongbong Marcos nga sulbadon ang gisagubang nga suliran COWD diin naglakip sa isyu sa wala pagsinabot sa bayrunon niini ngadto sa Cagayan de Oro Bulk Water Incorporated sulod na sa pila ka tuig.
