Sa susamang baruganan, gipalig-on usab ni kanhi Supreme Court Chief Justice Reynato Puno nga dili mahimong gamiton ang kaso sa Avelino batok Cuenca isip sumbanan sa impeachment trial ni Vice President Sara Duterte.
Si Puno namugos nga kini nga kaso managlahi ang gigamit nga pulong nga maoy unod sa 1935 Konstitusyon.
Gipasabot usab niini nga ang Senado isip impeachment court ang nag-inusarang korte nga magbaton sa bugtong nga gahum sa paghubad sa probisyon sa Konstitusyon kalabot sa two‑thirds vote nga gikinahanglan alang sa conviction sa usa ka impeachable official.
Gipamugos usab sa kanhi chief justice nga dili lang literal nga pagbasa sa ihap sa boto ang tahas sa mga senator-judges, kondili apil usab ang ubang naka-angkla nga probisyon sa Konstitusyon.
Una niini, miingon usab si kanhi Supreme Court Chief Justice Adolf Azcuna nga dili aplikabli ang Avelino vs Cuenca case sa kasamtangang kaso nga gihawiran sa senate impeachment court.
