CAGAYAN DE ORO CITY- Patay ang mag-apuhan human mabanggaan sa pribadong sakyanan diha sa Zone 4, Brgy Sinaloc, El Salvador City Misamis Oriental.
Naila ang mga namatay nga sila si Niesel Lomboy, 58-anyos ug apo niini nga si Zed Matthew Baogo, 4-anyos samtang samaran ang usa ka Johndel Paul Lomboy, 13-anyos pulos residente sa Zone 1, Brgy Quibonbon, El Salvador City.
Sumala ni Police Staff Master Sgt Jade Embong,imbestigador sa El Salvador City Police Station nga patabok sa pedestrian lane ang mga biktima dihang nabanggaan sa Isuzu D-Max nga gimaneho ni Helegarde de Pedro Jr, 37-anyos nga taga Iligan City.
Nakaangkon sa nagkadaiyang samad sa kalawasan ang mag-apuhan nga biktima hinungdan sa kamatayon samtang pabilin pang nagpaalim ospital si Lomboy.
Kasong reckless imprudence resulting to multiple homicide and physical injury ang ipasaka sa kapolisan batok sa suspetsado.
