CAGAYAN DE ORO CITY – Dili makadawat ang Malakanyang sa komento ni kanhi Pres Rodrigo Duterte nga nagka-grabe ang kreminalidad sa nasud ubos sa liderato ni Pres Bongbong Marcos.
Gihimo ni Executive Secretary Lucas Bersamin ang pag-depensa nunot sa pagtambong ni Duterte sa blue ribbon committee hearing sa senado diin nag-sentro kaniya nunot sa war on drugs policy issue.
Miingon si Bersamin nga dakong sukwahi daw ang gisulti ni Duterte sa statistics nga gihuptan sa Philippine National Police diin miubos ang kremin sa tibuok nasud.
Gipasigarbo pa gani niini ang pagmintinar sa husay’g kalinaw kay wala na mabutang sa alanganin ang tawhanong katungod sa katawhan.
Namugos si Bersamin nga mas luwas na ang nasud nga ubos ni Marcos Jr.
Hisayrang sukad gipatuman ang war on drugs ni Duterte,daghan ang na-collateral damage nga suspected pushers apan nalipay usab ang kadaghanan nga nahipos ang mga kreminal ilabina sa kagabhion.
