CAGAYAN DE ORO CITY – Gilapdan pa sa mga otoridad ang pursuit operation batok sa murder suspect nga mipusil-patay sa police officer sa lungsod sa Pangantucan,Bukidnon.
Kini tungod sa kalisod sa lugar nga sudlan sa militar ug kapolisan nga migukod sa suspek nga si Jovie Maulas Somotil nga taga-Kalilangan sa maong probinsya.
Miingon si Pangantucan Police Station commander Police Maj Jerry Peronia nga nag-amping usab sila nga dili magkaunay ang puwersa nga nangita sa suspek sa bukirang bahin sa maong lungsod.
Gawas niini,wala usa’y kumpiyansa ang mga otoridad sa pagsulod sa bukiran ilabina nga aktibo ang rebeldeng New People’s Army o NPA sa Bukidnon.
Si Somotil ang suspek pagpusil kang Police Staff Sgt Rio Tibang nga igo ra unta nag-responde sa report nga dunay tawo na naglasong gamit ang armas sa miaging adlaw.
Si Somotil ang suspek pagpusil kang Police Staff Sgt Rio Tibang nga igo ra unta nag-responde sa report nga dunay tawo na naglasong gamit ang armas sa miaging adlaw.
