Wala mi-angay si Senate Blue Ribbon Committee Chairperson Senador Rodante Marcoleta sa taphaw ug makalilibog nga mga tubag Allan Quirante, tag-iya sa QM Builders.
Sa pagcross examine sa senador kang Quirante, iya kining nasapon nga mihatag managlahi ug dili klarong mga tubag kalabot sa mga anomalya sa flood control projects.
Napungot si Marcoleta sa kakulang sa klarong impormasyon ni Quirante, ilabi na sa mga kontrata ug proyekto nga gi-apilan sa iyang kompanya, kinsa usa sa mga nakadawat sa binilyongvpondo gikan sa gobyerno.
Giingon sa senador nga dili siya magduha-duha sa pagpadayon sa legal nga aksyon batok sa QM Builders kung mapamatud-an ang kalapasan sa balaod.
Una niini, gikuwestiyon ni Senador Gatchalian ang Department of Public Works and Highway (DPWH) kung nganong nakadawat sa kontrata ang mga firms nga P250,000 ra ang kapital ug nakadawat sa P2-M projects.
