Gikuwestisyon sa kampo ni kanhi Pres Rodrigo Duterte ang blangko-blangko nga unod sa 2025 national budget ni Pres Bongbong Marcos didto sa korte suprema.
Kini human gitinguha nila Davao City 3rd District Cong. Isidro Ungab ug kanhi Executive Secretary Vic Rodriguez nga ipa-deklara nga dakong illegal ang maong pondo kay wala moagi sa ensaktong proseso.
Una ang giakusar ni Ungab ug Duterte nga depektoso ang maong nasudnong pondo.Apan alang kang Senate Pres Chiz Escudero,andam nila kini nga tubagon kuyog si House Speaker Martin Romualdez ug Executive Secretary Lucas Bersamin.
Namugos si Escudero nga walay illegal apan subay sa proseso ang pasadong 6 trilyones pesos nga alokasyon ning tuiga.
Nabulgar ang maong kontrobersya dihang gisusi ni Ungab ang tanang pahina sa bicameral committee report diin nasapon ang pipila ka budget line items nga walay nabutang nga kantidad.
Sa pagbuto sa maong isyu, gilayong gipamugos sa Malakanyang nga fake news ang expose ni Duterte apan sa pag-angkon ni Sen Imee Marcos ug pipila ka kongresista,kalit nanghunaw ang administrasyon.
Hisayrang mismo pa si Marcos ang mitawag kang Duterte nga namakak apan kalit gibasol ni Bersamin ang mga utok sa nagpasagad kon nganong adunay mga blangko.
