NAGPAHINUMDOM ang Catholic Bishops’ Conference of the Philippines, pinaagi ni CBCP president Gilbert Garcera, sa katawhan sa tinuod nga diwa sa EDSA People Power Revolution sa pagsaulog sa ika-40 ka tuig niini karong Pebrero 25.
Sumala sa pastoral letter, gi-awhag sa mga obispo ang katawhan nga ipadayon ang espiritu sa panaghiusa, pag-ampo, ug malinawon nga pakigbisog nga nahimong simbolo sa EDSA niadtong 1986.
Gipasiugda usab sa sulat ang importansya sa pagpanalipod sa demokrasya ug pagpreserbar sa kamatuoran sa kasaysayan isip pundasyon sa lig-on ug responsable nga pag-alagad sa nasud.
Ang maong pastoral letter gibasa ni Fr. Eduard Labadisos sa Diocese of Iligan isip kabahin sa pagtimaan sa maong anibersaryo. (James Oliver)
