CAGAYAN DE ORO CITY – Gikasubo sa Maranao Muslims ang kalit nga kamatayon sa kanhi hostage victim sa Marawi Siege nga si Fr Chito Suganob.
Kini human atakeha sa sakit sa kasingkasing ang pari samtang natulog sa ilang pinuy-anan sa Cotabato kagahapong adlawa.
Miingon si BARMM Parliament member Zia Alonto Adiong nga dako’g natabang si Suganob aron mahimong lig-on ang relasyon sa mga kristiyano ug Muslim sa Lanao del Sur ug Marawi City.
Gibutyag ni Adiong nga kakuhaan kaayo’g ehemplo ang kinabuhi sa maong pari kinsa kampeon sa pagpatunhay sa kahusay ug kalinaw sa Mindanao.
Si Suganob ang upat ka bulan nga na-hostage sa Maute-ISIS terrorists dihang giatake nila ang Marawi City sa tuig 2019.
