CAGAYAN DE ORO CITY – Posible pa gihapon nga maigo sa sabotahe sa technology hackers ang gamiton nga sistema sa Commission on Elections sa piliay sa May 12 ning tuiga.
Kini taliwala nga hugtanong gisupak ni Comelec chairman Atty George Garcia ang teorya sa IT expert nga si Atty. Harold Respecio nga peligro gihapon ang gamiton nga sistema kuyog ang Miru Company taliwala sa pasalig sa kagamhanan.
Gibutyag ni Comelec Misamis Oriental Supervisor Atty Carlito Ravelo nga makahigayon ang technology hackers sa oras nga makakita sila’g tsansa aron bulabugon ang piliay.
Kini ilabina kon sugdan na’g transmit sa board of election inspectors ang mga boto gamit ang internet diin dili luwas samtang kini ipadala sa canvassing centers sa matag-lugar.
Apan siya miingon nga adunay mga naporma na nga contingency measures ang Miru aron alkontrahon ang posibleng sabotahe sa election system nga gipagamit niini sa Comelec.
