Giyukbuan ni Presidente Bongbong Marcos ang dakung kontribusyon nga nahatag ni Super Star Nora Aunor sa Philippine Showbusiness. Si Marcos gitakdang muhatag sa pag-ila kang Nora isip National Artist for Film.
Namatay ang actress-politician niadtong Abril 16 samtang nagpa-ubos sa medical procedure.
Sa gipagawas nga press release sa palasyo, giila ni Marcos si Nora isip “a gift to the Filipino nation” o regalo sa kaliwat pinoy gumikan sa iyang mabulawanong tingog o golden voice, ug daku bahandi sa pelikulang Pilipino.
Una niini, nagpagawas na sa official statement ang mga anak ni Nora kalabot sa kalit ug gi-ingong kontrobersyal nga kamatayon niini.
Namugos si Ian de Leon nga fake news ang impormasyon nga namatay ang iyang inahan samtang gi-operahan, tungod kay namatay kini pipila ka oras human sa iyang operasyon.
