Abli pa gihapon ang prosecution sa posibilidad nga himuong testigo ang negosyante nga si Jaime T. Cruz nga balik-balik nga mitumaw ang ngalan sa SEC records sa mga kompanyang adunay kalambigitan kang Vice President Sara Duterte.
Matud ni impeachment adviser ug prosecution spokesperson Robert Ace Barbers, gitun-an na karon sa prosecution kung ipa-subpoena ba si Cruz aron maghatag og katin-awan bahin sa mga isyu sa pagpanag-iya ni VP Sara sa giingong mga kompanya.
Giingon usab ni Barbers nga sa kasamtangan kay on track na ang ilang kampo para sa pagpresentar sa ilang mga testigo.
Dugang niini, mipahayag usab si Barbers nga wala nila gipadaplin ang kamatuoran nga mamahimong magdugang o di ba kaha magbawas og mga testigo ang prosekusyon. (raniel mahunyag)
