CAGAYAN DE ORO CITY -Tinud-on sa Commission on Elections o Comelec ang paggukod sa mga kandidato ug mga kaabag niini sa pagkaso aron mataral sa hukmanan ug kon madutlan mangapriso sulod sa pila ka tuig.
Kini maoy mensahe ni Comelec-Misamis Oriental Provincial Election Supervisor Atty Carlito Ravelo sa naghitak nga election campaign materials nga nabaklas sa palibot sa syudad ug lalawigan kagahapong adlawa.
Miingon si Ravelo nga padad-an nila sa show cause order ang mga hingtungdang kandidato aron maka-esplikar kon nganong dili sila angay kasuha’g criminal.
Nagsugod na ang epekto ang campaign period sa national candidates nga gilangkuban sa mga kandidato pagka-senador ug partylist representatives kagahapong adlawa.
Sa susamang adlaw,gituki usab sa Comelec 10 kauban ang ubang deputy govt agencies ang epektibo nga pagpatuman sa task force kontra-daya 2.0 alayon sa May 12 elections ning syudad kagahapong adlawa.
Kini human gihinagbo ang ubang mga buhatan sa gobierno alang sa pagbaton sa hiniusang mga lakang sa piliay sa Northern Mindanao.
Miingon si Comelec-Misamis Oriental Provincial Election Supervisor Atty Carlito Ravelo nga kabahin sa nahataga’g seryosong paghisgot ang mando nga paggukod sa mga kandidato nga mohimo’g vote buying ug mga botante nga mobaligya sa ilang mga boto.
Siya miingon nga apil usab sa nahisgutan ang pagpatuman sa warrantless arrest nga miani’g nagkadaiyang reaksyon gikan sa nagkadaiyang sector sa nasud.
