CAGAYAN DE ORO CITY- Nakagawas na ang kadaghana sa mga biktima sa outbreak sa pagkahilo sa dul-ag 300 ka mga batan-on nga partisipante sa 8th National Youth Convention sa Seventh Day Adventist Reform Movement sa Cedar Resort,Brgy Impalutao,Impasug-ong,Bukidnon.
Kini human paspas nahatagan sa medikasyon sa local health experts ang mga biktima dihang mibati’g kalipong,pagpanakit sa tiyan ug hilanat gumikan sa pagkonsumo sa pagkaon ug pag-inom sa tubig nga gitoohang kontaminado.
Miingon si Bukidnon Medical Center chief of hospital Dr Supicio Henry Legazpi nga sa 139 ka pasyente nga nadala sa ilang ospital,11 na lamang niini ang pabiling gihatagan sa medikasyon.
Gani,nagpadala’g duha ka eksperto si Dept of Health Sec Francisco Duque III sa Bukidnon aron motabang pag-imbestigar sa pagkahilo sa mga mag biktima.
Hisayran nga anaa sa mil-200 ka batan-on nga gilakipan sa pipila ka foreigners ang miapil sa katiguman dihang nahitabo ang outbreak sa miaging adlaw.
