Gipatawag na ni Mayor Rolando Klarex Uy ang tanang barangay kapitan sa Cagayan de Oro alang sa sunod sunod nga tigum aron hapsayon ang ilang contingency plan batok sa Super El Niño.
Gipunting ni Acting City Information Officer Jade Adeser nga dili mahimong pareho ang pamaagi sa urban ug bukirang barangay hinungdan nga gipahaom sa Task Force Super El Niño ang ilang mga lakang sumala sa panginahanglan sa matag lugar.
Nagpasidaan si Adeser nga bisan nakasinati pa og panagsang pag ulan ang syudad, gipaabot nga mosugod na ang grabeng kainit sa katapusang semana sa Nobyembre ug molungtad hangtod sa bulan sa Mayo o Hunyo sunod tuig.
Gikompirmar sa opisyal nga kanunay nagreport ang inter agency task force ngadto sa mayor aron masiguro nga andam na ang tanang ahensya sa dili pa mosaka ang konsumo sa tubig ug kuryente.











