Gipahinumduman ni Atty. Proculo Sarmen, usa ka labor law expert, ang mga mamumuo nga magmata ug mahimong aktibo sa pagpanalipod sa ilang katungod dili lang matag Labor Day.
Matod sa legal counsel sa Federation of Free Workers , ang mga trabahante adunay dakong papel sa pagpadagan sa nasud ug kinahanglan nga ilang mapadayag ang ilang tingog sa hustong paagi.
Dugang pa niya, ang mga lider sa gobyerno kinahanglan mahimong responsive sa panginahanglan sa katawhan, ilabina sa sektor sa mga mamumuo, mag-uuma ug kabatan-onan.
Giingon usab niya nga ang pondo sa nasud dapat magamit sa mga programa nga direktang makatabang sa mga ordinaryong Pilipino.
Busa, alang kang Sarmen, importante nga magpadayon ang kahibalo ug pakigbisog sa mga mamumuo aron masiguro ang ilang kaayohan ug kaugmaon.
