Gitin-aw ni Police Regional Office 10 Spokesperson Police Major Joanne Navarro nga muhatag ang kapulisan sa security assistance sa ilusad nga pagpakisusi sa mga kadagkuan sa Department of Trade and Industry ug Department of Energy ilabe sa mga gas station nga gi-report sa katawhan nga kadudahan ang pagsaka sa presyo.
Gipasabot ni Navarro nga ang DOE ang mu-isyu sa show cause order sa kompanya nga nareklamo ug nasapon sa kalit nga pagpasaka sa presyo.
Pinaagi niini, gitugon sa kapulisan ang mga negosyante nga mutuman sa balaod ug dili musakay sa panahon kay tataw nga nagkalisud nag katawhan sa pag-atubang sa pagsaka sa presyo sa batakang palaliton agig resulta sa pagsaka sa presyo sa lana.
