Napugos pagpauli si Kazakhstan Pres. Ilhan Aliyev ug gibiyaan ang gitambungan nga summit didto sa Rusya.
Kini tungod sa pagkahagsa sa passenger plane nga adunay sakay nga 62 ka tawo sa syudad sa Aktau.
Subay sa inisyal nga imbestigsayon,gibutyag ni Kazakhstan’s Deputy Prime Minister Kanat Bozumbayev nga anaa sa dul-an 40 ka pasahero ang patay sa plane crash samtang adunay 32 ang survivors nga gihatagan sa medikasyon.
Gibutyag sa mga otoridad nga napugos pag-emergency landing ang eroplano kay giingong adunay ‘bird strike’ samtang naglupad gikan sa airport.
Wala pa’y gipalugwa nga dugang impormasyon kabahin sa maong hitabo.
Grounded una ang mga eroplano ubos sa Azerbaijan Airlines hangtod wala pa’y pinal nga resulta sa imbestigasyon sa pagkahagsa sa Embraer 190 aircraft sa maong nasud.
