CAGAYA DE ORO CITY – Nag-away ug nag-ilog na daw sulti sa militar ang mga sakop sa napatay sa engkuwentro nga lider nila nga si CPP-NPA North Eastern Mindanao Regional Committee Secretary Myrna Sularte alyas Kumander Maria Malaya sa Brgy Pianing,Butuan City.
Kini subay sa nakuhang intelligence information sa 4ID,Philippine Army pipila ka adlaw gikan sa pagka-neutralized kang Kumander Malaya sa maong lugar.
Miingon si Lt Col.Francisco Garello Jr,tigpamaba sa 4ID nga mi-resulta sa pagkatibula-ag sa NPA members ang wala damha nga kamatayon ni Sularte.
Kini ang hinungdan nga subli giawhag sa militar ang NPA combantants nga paspas nang mobiya sa armadong kalihukan aron kalikayan nga mahisama kang Malaya.
Hisayrang si Malaya giila nga usa sa pinaka-notoryos nga NPA commander sa Pilipinas tungod sa halos 20 ka kasong giatubang niini sa korte sulod sa dul-an 30 ka tuig nga aktibo sa kalihukan.
