Gipamugos sa Armed Forces of the Philippines (AFP) nga dili inosente nga sibilyan ang usa ka lider-estudyante sa University of the Philippines (UP) nga namatay sa engkwentro sa Negros Occidental niadtong Abril 19, diin 19 ka giingong miyembro sa New People’s Army (NPA) ang nakalas.
Kini ang tubag ni AFP Chief Gen. Romeo Brawner Jr., human lakip sa nakabsan si Alyssa Alano, UP Diliman student council education and research councilor.
Namugos si Brawner nga napalgan ang lawas ni Alano nga nakasul-ob sa combat gear samtang nakigharong ang mga rebelde sa Toboso
“Are they saying she was an innocent student? No,” ingon ni Brawner.
Iya usab gi-ingon nga adunay dala nga armas ang mga makig-engkwentro sa tropa sa gobyerno.
Hisayran nga miluntad sa taas nga panahon ang engkwentro sa Barangay Salamanca, kundiin kapin oras pa ang milabay ayha mahupay. Narekober sa mga sundalo ang mga lawas ug pipila kanila adunay bitbit nga high-powered firearms, ug dokumentong gitratar nga subersibo. Adunay lima ka gitoohang rebelde ang nasikop sa gilusad nga follow-up operation.
“Our soldiers are not human rights violators. In fact, we respect human rights. But once you start fighting and firing against government forces, you are a combatant and you can become a casualty,” dugang ni Brawner.
