Daghang mga domestic nga turista ang nakurat sa pag-implementar sa 2‑euro entrance fee alang sa gusto mosulod sa “basin area” sa labing sikat nga talan-awon, ang sa Roma, ang Trevi Fountain.
Sugod Pebrero 2, gisingil na ang buot musulod sa landmark area nga kaniadto, libre ra.
Hinoon, nagpasabot ang tigdumala sa maong luna nga ang bayad naglangkob sa access sa pinakaduol nga bahin sa monumento diin kasagaran maghulog sa sensilyo ang mga turista, samtang libre gihapon ang pagtan-aw gikan sa Piazza di Trevi.
Ang ticket mahimong mapalit online, sa Civic Museums, Tourist Infopoints, ug sa entrance – card payment lamang.
Balido ang ticket sa matag adlaw gikan alas‑9 sa buntag hangtod alas‑10 sa gabii, lakip na ang unang Domingo sa bulan.
Ang tumong sa fee mao ang pagpakunhod sa overtourism o sobrang paglapad sa mga gabisita sa luna, ug paghatag sa pondo alang sa maintenance sa nabantog nga fountain.
Una kining gitukod sa tuig 1732 ug 1762 sa disenyo ni Nicola Salvi, ug gihuman ni Giuseppe Pannini.
Ang mga bisita kinahanglan mosunod sa mga lagda, sama sa pagdili sa pagdala sa pagkaon, gidili ang pagpanigarilyo, ug gidili ang pagpungko sa basin sementadong tungtunganan aron mapreserbar ang kahimtang sa monumento.
