CAGAYAN DE ORO CITY – Ralihan sa grupong supak sa presensya sa tropang Amerikano sa Pilipinas ang Phividec nga maoy pahimutangan sa naval base sa natl govt diha sa lungsod sa Tagoloan,Misamis Oriental.
Miingon si Herman Laurel,presidente sa Asian Century Philippines Strategic Studies Institute nga kabahin pa kini sa duha ka adlaw nila nga pagpadayag sa dakong pagsupak sa presensya sa US war equipment ug pag-okuar sa EDCA sites sa napulo ka lugar sa nasud.
Gibutyag ni Laurel nga gikan sa ilang rali sa Tagoloan,gilayon na sila mosaka sa lungsod sa Maramag,Bukidnon alang sa mas dako pa nga katiguman kabahin sa maong mga isyu karong adlawa.
Gawas niini,motabok usab sila sa syudad sa Iligan ug Misamis Occidental ugmang adlawa.
