CAGAYAN DE ORO CITY – Na-alarma na ang grupo sa mga negosyante sa syudad ug lalawigan sa tulo ka kasong pagpamusil-patay nga binuhatan sa motorcycle in tandem suspects.
Kini human malutsi na usab ang kapolisan sa ilang intensified gun ban nunot sa taliabot nga piliay sa May 9 sa dakbayan.
Gibutyag ni Antonio Uy,presidente sa Misamis Oriental Filipino-Chinese Chamber of Commerce Incorporated nga dili maayo nga tilimad-on sunod-sunod nga pagpamatay sa dakbayan.
Gitumbok ni Uy ang kamatayon sa roving supervisor sa Padla Security Agency nga si Lorcidito Zamayla sa Brgy Camaman-an ug si Richel Lor sa Mellimium Security Agency sa Brgy Kauswagan ug laing sibilyan nga si Nebel Brian Liponhay sa Westbound Bulua Terminal nga pulos wala pa’y kasulbaran.
Dugtong niini,gimando ni COCPO Director Col Aaron Mandia sa station commanders ang pagsulbad sa sunod-sunod nga pagpamusil-patay sa motorcycle in tandem suspects sa 3 na ka sibilyan sa syudad sulod lamang sa Marso ning tuiga.
Ulahing gipatay sa mga suspek ang head guard sa kompanya Ford nga si Richel.Gibutyag ni COCPO spokesperson Maj Evan Viñas nga kabahin sa gitutukan ang posibleng kabangi sa trabaho sa biktima.
