CAGAYAN DE ORO CITY – Susihon sa buhatan ni Misamis Oriental Provincial Legal Office head Atty Angel Lim ang mga dokumento may kalabutan sa gisudlan nga joint venture agreement o JVA tali sa kompanyang A Brown Company Incorporated ug kanhi pamunuan ni former Gov. Peter Unabia.
Namahayag si Lim nga naghulat na lang kini sa kamanduan ni Gov. Juliette Uy aron masugdan ang pagsusi sa balor 2.5 bilyones pesos nga JVA sa duha ka panig.
Una nang namahayag si Uy nga dili angayang ibaligya ang mga kabtangan sa kapitolyo-probinsyal kay mga kabilin kini sa unang mga Misamisnon nga nakigbisog sa dugay’ng kapanahonan.
Dumduman namahayag usab kaniadto si Unabia nga dako’g ikatabang sa pangunabuhian sa katawhan sa lalawigan ang kinitaon sa maong transaksyon.
