CAGAYAN DE ORO CITY – Nangayo’g proteksyon ang grupo sa mga abogado,kaparian,human rights advocates ug pipila ka media practitioners ngadto kang City Mayor Oscar Moreno batok ‘red tagging’ ngadto kanila.
Kini human nakigtagbo ang maong grupo kang Moreno dungan sa pagduso sa joint petition aron ilikay sila sa pasangil nga supporters sila sa kalihukan sa CPP-NPA-NDF.
Miingon si Union of People’s Lawyers member Atty Beverly Musni nga tumong usab nila nga magsilbing ‘red tag free’ ang syudad bisan sa ilang mga pagpadayag sa daghang kakulangon sa gobierno ngadto sa katawhan.
Si Musni,IFI Bishop Felixberto Calang,grupong National Union of Journalists of the Philippines,Kadamay ug Makabayan-Northern Mindanao ang kabahin sa biktima sa red tagging gikan sa wala matumbok nga pundok ning syudad.
