CAGAYAN DE ORO CITY – Gitahasan sa Police Regional Office 10 ang Tagoloan Police Station nga hatagan sa dinaliang sulbad ang pagpusil-patay sa sekyu ug laing usa samaron sa Zone 2,Brgy Mohon,Tagoloan,Misamis Oriental kagahapon sa buntag.
Kini human pamusila sa motorcycle in tandem suspects ang biktima nga si Franklin Salon nga dead on the spot ug napingsan usab ang li-og sa kauban niini nga si Roberto Baligwas nga pulos taga-Villanueva ning lalawigan sa hitabo.
Miingon si PRO 10 spokesperson Major Joann Navarro nga anggulo sa personal nga pagdumot ug kalabutan sa trabaho ang kabahin sa gitutukan sa imbestigasyon sa kapolisan.
Sakay sa motorsiklo ang mga biktima ug manguli na gikan sa ilang duty sa condo projects sa Brgy Sta.Ana,Tagoloan dihang gi-atake sila sa mga kreminal.
Gitoohang gigamitan sa kalibre 45 nga armas ang mga biktima sa hitabo.
