CAGAYAN DE ORO CITY – Dili na makasaulog sa kapaskuhan ug makasugat sa bag-ong tuig ang 28-anyos nga lalaki nga taga-Brgy Sinaloc,El Salvador City,Misamis Oriental.
Kini gumikan sa kalit nga kamatayon sa biktima nga si Jason Mikanano epekto sa self-accident nga gilambigitan niini sa highway sa Brgy Tuburan sa maong syudad.
Sumala sa gihuptang sa progress investigation report sa buhatan ni El Salvador City Police Station commander Lt Col Patrick Dalangin nga pauli na ang biktima sakay sa motorsiklo dihang mibangga sa road gutter dihang mitabok sa laing lane hinungdan sa kamatayon niini.
Nalagpot sa pila ka metros ang biktima diin nahiagom sa daghang mga samad hinungdan sa hinanali nga pagtaliwala niini.
