MANILA – Gipamatud-an sa grupong Men in Uniform Personnel nga gisibog na nila ang ilang pagsuporta kang Pres Bongbong Marcos.
Sa gilusad nga peace rally sa Kingdom of Jesus Christ Church Members sa Liwasan Bonifacio, usa si retired Philippine Army Col Segundo Metran, kanhi Deputy Commander Filipino Guerilla Forces ang mipamatood nga silang tol ni retired Army General “Captain” Dado Enrique ug retired Army Brig. Gen. Johnny Macanas ang unang mipalanog sa ilang grupo nga mag-resign si Marcos.
Gibutyag ni Metran nga niadtong 2022 elections, kapin 6 milyon sa ilang miembro, lakip na ang uban pang mga retiradong sundalo ug pulos ang mibubo sa dili ti-aw nga salapi aron suportahan ang kandidatura ni Marcos.
Gibutyag nga duna pay miprenda sa ilang kabtangan kay gisaaran sila nga kung mudaug pagka-presidente si Marcos makadawat ang ilang kooperatiba sa pondo aron suportahan ang lahutay nga programa.
Gibulgar ni Metran nga lugi ug pulos buslot na ang bulsa sa mga gisaaran ni Marcos ug nabati nila ang tumang kalisud sa panahon sa iyang administrasyon.
Hinoon, wala tubaga ni Metran ang ulahing pangutana sa prensa kung sila ba ang utok sa destabilisation plot sa Marcos administration. Una niini, may kaso na nga gisang-at kang Macanas human siya gi-akusahan ni kanhi PNP Chief General Benjamin Acorda sa ilegal nga paggamit sa kampanya sa PNP.
Kini subay sa lagda sa Article 154 o mas naila isip “unlawful use of means of publication and unlawful utterances” sa Revised Penal Code nga unang gi-amyembdahan sa Republic Act 10951, nga maykalabutan sa paglapas sa Cybercrime Prevention Act of 2012. (Bombo Anne Quileste).
