Nag-presentar sa “not guilty plea” si kanhi Department of Public Works and Highways (DPWH) Engr. Emerlita Juat alang sa giatubang niya nga kaso’ng ‘graft’ nga nalambigit sa flood control scandal.
Nahitabo kini sa gipahigayo’ng ‘hearing’ sa maong kaso ngadto sa 4th Division sa Sandigan Bayan diin personal nga miatubang si Juat.
Sa ‘hearing’, kang Juat lang ang nadayon nga ‘arraignment’ o pagbasa sa reklamo sa ‘graft case’ diin kauban niya’ng akusado si kanhi senator Ramon “Bong” Revilla.
Ang ‘arraignment’ nila Revilla, Bryce Hernandez, Jaypee Mendoza, ug pipila pa ka mga kanhi emplayado sa DPWH kay gipalihay sa korte mahitungod sa ilahang gipasaka nga mosyon, sama sa “motion to quash an arrest warrant”, “motion to quash information”, “motion for reinvestigation”, ug uban pa diin gibalhin nalang sa ika-9 (siyam) nga adlaw sa Pebrero ang ‘arraignment’ nila, lakip na ang pre-trial sa kaso.
Bisan pa nga wala madayon ang pagbasa sa ‘arraignment’ kagahapon, mituo ang abogado ni Revilla nga karapatan sa akusado ang pagpasaka sa mga mosyon. (Phillip Ariata)
