Napasaka na ang kasong pagpayuhot sa ilegal nga druga batok sa duha ka indibidwal nga namaligya sa dul-an P1-Milyon nga gitoohang shabu.
Namahayag si Police Brigadier General Christopher Abrahano, direktor sa Police Regional Office-10 nga nadala na sa piskalya ang mga suspek nga sila alyas Jef, 42 anyos walay trabaho, taga-iligan City ug alyas Carlo, 27 anyos, ug molopyo sa Brgy. Bonbon ning syudad.
Nakuha sa posisyon ni alyas Jef ang 25 gramo sa shabu nga mukantidad sa P170,000. Samtang si alyas Carlo maoy naghawid sa 100 gramo sa shabu nga mukabat sa P782,000 ang street value.
Hisayran nga subay section 11 sa Republic Act 9165, ang tigpayuhot nga makombikto sa paghawid sa 500,000 hangtud 1-M pesos nga kantidad sa shabu mahimong pahamtangan sa reclusion perpetsua o tibook kinabuhi nga pagkapriso.
