CAGAYAN DE ORO CITY-Nangayo’g pagsabot ang grupo sa National Confederation of Transport Union o NCTU Northern Mindanao sa katawhan nga apektado sa nationwide transport strike ning adlawa.
Kini human misugod na ang pag-epekto sa maong welga diin gatusang mga jeep pasayruhan ang wala mohimo’g pagpamasahero isip protesta batok sa gobierno.
Miingon si NCTU Northern Mindanao vice chairman Joel Gabatan nga masabtan sa katawhan ang gihimong lakang sa transport sector isip pagpadayag sa ilang katungod.
Samtang gigamit na lamang sa caravan sa grupong STAREX-Piston Northern Mindanao ang 40 ka unit sa jeep pasayruan aron mohimo’g rekoridad isip suporta sa nationwide strike ning adlawa.
Gibutyag ni STAREX-Piston Northern Mindanao spokesperson Ringo Lago nga mohimo usab sila’g pagrally atubangan sa LTFRB-10 office karong buntag.
Dugtong niini,giadam na sa LTFRB-10 ang mga bus unit nga ilang nahulman gikan sa pipila ka bus companies dinhi sa syudad.
Gibutyag ni LTFRB regional director Allan Guro nga nasabtan nila ang baruganan sa transport sector hinungdan nga gitubag nila ang maong kakulang sa mga sakyanan karong adlawa.
