CAGAYAN DE ORO CITY- Nag-atubang sa kasong reckless imprudence resulting to multiple homicide ingon man physical injury ang usa ka motorista nga nakabangga-patay sa duha ka sekyu didto sa Brgy Tibanga,Iligan City.
Giila ang mga namatay’ng biktima nga si Arestrio Clamor,taga-Brgy Tubod ug Quirino Duhaylungsod nga residente usab sa Brgy Sta Filomena sa maong syudad.
Sa imbestigasyon sa kapolisan,nangayo lama’g kape ang usa sa mga sekyu sa dihang kalit mibangga ang pribadong sakyanan sa negosyante nga si Edward Lorente nga taga-Brgy Upper Tominobo hinungdan sa dugu-ong hitabo.
Gawas nga dead on the spot si Duhaylungsod,samaron usab ang laing residente nga si Noel Luna nga nagpuyo sa Brgy Bagong Silang sa nahisgutang dakbayan.
Kasamtangang gipaubos sa kustodiya sa kapolisan ang driver samtang nag-atubang sa kasong kriminal sa piskalya sa maong dakbayan.
