Mihatag sa espesyal nga mensahe si Israeli Prime Minister Benjamin Netanyahu sa tanan inahan ug amahan sa Lebanon.
Sa iyang kapin 3 minutos nga public speech, lugot-hangyo nga gipadumduman ni Netanyahu kung unsa ka malinawon ang Lebanon sa wala pa mabuhi ang teroristang pundok sa Hezbollah.
Giawhag niya ang tanan ginikanan nga muhimog kabag-uhan sa ilang nasud ug mubarog sa usa ka bandila ug usa ka nasud.
Miingon si Netanyahu nga ang kalihukang Hezbollah ang rason sa ‘divisiveness” o nagbahin-bahin sa katawhan sa Lebanon nga niadtong, linaw ang pamuyo kuyog sa nasud sa Israel.
Sa samang higayon, gipasabot ni Netanyahu nga misyon sa ilang nasud nga puhagon ang dautang ‘axis’ nga mugna sa hakog nga gobyerno sa Iran.
Kini aron huptan ang tibook Middle East busa ilang gipondohan ang terror attacks nga gama sa Hamas sulod sa Gaza, opensiba sa mga Houthi Rebels sulod sa Yemen, pagkigubat sa ISIS sa regular nga mga sundalo sa gobyerno sa Iraq, ug pag-armas sa mga Hezbollah aron bahin-bahinon ang mga pagtuo sa Lebanon.
Gipamugos sa primo ministro nga walay laing tumong sa axis nga gama sa Iranian government mao ang pagpatay sa mga tawong nanimuyo sa Israel
Kini sa tuyo nga wala nay mudepensa sa mga nasud nga gusto nilang mahimong ulipon sa gahum sa demonyo.(Bombo Anne Quileste).
